![background image](https://i.xphonehelp.com/Sony Xperia X Compact/sq/Sony Xperia X Compact_sq011.png)
Sigurimi se pajisja juaj është e mbrojtur
Pajisja juaj përfshin disa opsione të sigurisë, mjaft të rekomanduar në rast të humbjes ose
vjedhjes së saj.
Këto opsione janë si më poshtë:
•
Cilësoni një kyçje të sigurt të ekranit në pajisjen tuaj duke përdorur një kod PIN, një
fjalëkalim ose një model për të parandaluar qasjen ose ricilësimin e pajisjes tuaj nga çdo
person.
•
Shtoni një llogari të Google™ për të parandaluar përdorimin e pajisjes tuaj nga të tjerët
nëse vidhet ose fshihet.
•
Aktivizoni ose shërbimin në ueb “Mbrojtja nga my Xperia” ose Menaxherin e pajisjes
Android™. Duke përdorur një prej këtyre shërbimeve, mund të lokalizoni, të kyçni ose të
pastroni në largësi një pajisje të humbur.
Verifikimi i pronësisë së pajisjes
Tipare të caktuara të mbrojtjes kërkojnë që ta shkyçni ekranin me kodin PIN, fjalëkalimin,
motivin ose të futni informacionet e llogarisë tuaj të Google™. Më poshtë janë disa
shembuj të tipareve të mbrojtjes dhe disa nga kredencialet e kërkuara:
Mbrojtja për
Ricilësimin e të
dhënave të
fabrikës
Duhet ta shkyçni ekranin para se të lejoheni të kryeni një Ricilësim të të
dhënave të fabrikës.
Mbrojtja nga my
Xperia
Nëse e ricilësoni në largësi pajisjen tuaj duke përdorur këtë shërbim,
duhet të futni emrin e përdoruesit dhe fjalëkalimin për një llogari të
Google™ që është e lidhur me shërbimin. Pajisja duhet të jetë e lidhur
me internetin para se të përfundoni procesin e konfigurimit. Në rast të
kundërt, nuk do të mund ta përdorni pajisjen tuaj pas ricilësimit.
Menaxheri i
pajisjes me
Android™
Nëse e ricilësoni në largësi pajisjen tuaj duke përdorur këtë shërbim,
duhet të futni emrin e përdoruesit dhe fjalëkalimin për një llogari të
Google™. Pajisja duhet të jetë e lidhur me internetin para se të
përfundoni procesin e konfigurimit. Në rast të kundërt, nuk do të mund
ta përdorni pajisjen tuaj pas ricilësimit.
Riparimi i
softuerit
Nëse përdorni softuerin Xperia™ Companion për të kryer një riparim të
softuerit, do t'ju kërkohet të futni emrin e përdoruesit dhe fjalëkalimin e
llogarisë suaj të Google™ kur të nisni pajisjen pas përfundimit të
riparimit.
Për Menaxherin e pajisjes me Android™ është e nevojshme që të futni informacionet nga një
llogari e Google™. Kjo mund të jetë çdo llogari e Google™ që e keni konfiguruar në pajisje si
pronar. Nëse nuk mund të jepni informacionet e llogarisë përkatëse gjatë procesit të
konfigurimit, nuk do të mund ta përdorni aspak pajisjen.